Ungkapan Hati untuk Bencana di Leuwayan, Kedang

Ungkapan Hati untuk Bencana di Leuwayan, Kedang

Oleh: Pius Apenobe

 

Ilustrasi pixabay.com

Timur hoteng loyo matan

Dei utuq dei lewang

Eke ruba lama lewaq

 

Waraq tepa ape lolon

Dei neung dei boteq

Bete waya lama hoteng

 

Timur hoteng loyo matan

Belung kain kotan notan

Kelen kauq e’ing botan

 

Waraq tepa apelolon

Hoa moraq karaq naraq

Suker tudaq doliq hara

 

Nimon natan ribu ratuq

Ite laleng rauq utuq

Reiq nimon natan piling

Uliq dita tara tutun lilin

 

Kelen kauq e’ing botan

E’ing ariq botan tata

Epaq namo ai watang

 

Roho auq kelen kauq

Kata hoding kata holo

Bao namo hule lolon